बरामा २७ सय पिस लागुऔषधसहित एक जना पक्राउ
असोज,२४ काठमाडौं । बाराको सिम्रौनगढ नगरपालिका–२ स्थित महुवाहीबाट प्रहरीले २७ सय पिस लागुऔषधसहित एकजना युवकलाई पक्राउ गरेको छ । पक्राउ पर्नेमा भारतको बिहार घर भएका २८ वर्षीय मोहन प्रसाद यादव छन् ।
असोज २१ मा भारतीय नम्बर बिआर–०५ यु४०३७ नम्बरको मोटरसाइकलमा सवार यादवलाई पक्राउ गरिएको बाराका एसपी होविन्द्र बोगटीले बताएका छन । आरोपीको साथबाट प्रहरीले डाइजेपाम इन्जेक्सन ९ सय पिस, फेनारगन ९ सय पिस, र नुर्फिन ९ सय पिस बरामद गरेको छ ।