ट्याङ्कर पल्टिँदा १ जनाको मृत्यु, २ जना घाइते
चैत्र,२० काठमाडौं । पृथ्वी राजमार्गअन्तर्गत इच्छाकामना गाउँपालिका–४ लेवाटारमा एलपी ग्यास बोकेको भारतीय ट्याङ्कर पल्टिँदा १ जनाको मृत्यु भएको छ।
मुग्लिनबाट काठमाडौंतर्फ जाँदै गरेको युपी ७० डीटी ६०५५ नम्बरको ट्याङ्कर पल्टिँदा नाम, थर र ठेगाना नखुलेका पुरुष व्यक्तिको घटनास्थलमानै मृत्यु भएको हो। ट्याङ्करमा सवार २ जना घाइते भएका छन्।
घाइते हुनेमा भारतको वरौजी बस्ने २९ वर्षीय राम वतन ताती र अर्का एक जना रहेको जिल्ला प्रहरी कार्यालय चितवनले बताएको छ।
घाइत भएका अर्का १ जनाको अवस्था गम्भीर रहेको जिल्ला प्रहरी कार्यालय चितवन प्रवक्ता प्रहरी नायब उपरीक्षक (डीएसपी) विजयराज पण्डितले बताए ।
