हमासको लडाइँमा मारिए १२ पत्रकार
असोज,२८ काठमाडौं । इजरायल-हमास लडाइँमा कम्तीमा १२ जना पत्रकार मारिएका छन्। इजरायल-हमास लडाइँ सुरू भएको आठौं दिनसम्म १२ जना पत्रकारहरू मारिएको कमिटी टु प्रोटेक्ट जर्नालिस्ट (सिपिजे) लाई उद्धृत गर्दै सिएनएनले उल्लेख गरेको छ।
गाजाको इस्लामिस्ट समूह ‘हमास’ ले इजरायलमाथि आक्रमण गरेयता २ पत्रकार सम्पर्कविहीन रहेको र ८ जना घाइते भएको सिपिजेले बताएको छ । मारिनेमध्ये १० जना प्यालेस्टाइनका र एक जना इजरायलका पत्रकार छन्।
सिपिजेले इजरायल-हमास लडाइँमा पत्रकारहरूको अवस्थाबारे अध्ययन गरिरहेको छ। उसले इजरायल-हमास लडाइँको आठ दिनको अवधिमा मारिएका, घाइते भएकाहरूको सूची नै सार्वजनिक गरेको छ।
