बागलुङमा बस दुर्घटना हुँदा ७ जनाको मृत्यु, २५ जना घाइते
चैत्र,६काठमाडौं । बागलुङको निसीखोलामा हिजो साँझ बस दुर्घटना हुँदा सातजनाको मृत्यु भएको छ। २५ जना घाइते भएका छन्। निसीखोला गाउँपालिका– ६ जाउलेपानी भन्ने स्थानमा बागमती प्रदेश ०१–००६ ख ३८७९ नम्बको बस दुर्घटना भएको हो।
उद्धारका लागि घटनास्थलमा खटिएका इलाका प्रहरी कार्यालय बुर्तिबाङका प्रहरी निरीक्षक राजकुमार विकका अनुसार दुर्घटनामा कम्तीमा ७ जनाको मृत्यु भएको हो। उनले २५ जना घाइतेलाई उद्धार गरी उपचारका लागि बुर्तिबाङ प्राथमिक स्वास्थ्य केन्द्रमा पठाइएको बताए ।
पश्चिम रुकुमबाट काठमाडौंका लागि छुटेको बस मध्यपहाडी लोकमार्गदेखि अन्दाजी एक सय ५० मिटर तल खसेको जिल्ला प्रहरी कार्यालय बागलुङका प्रहरी नायब उपरीक्षक मदन केसीले बताए ।
