नायिका श्वेता खड्कालाई म‌गलबार पुत्रीलाभ भएको छ । उनले आमा बनेकोमा सामाजिक सञ्जालबाट खुसी व्यक्त गरेकी छन् । उनले आमा बन्न पाएकोमा आफूले निकै भाग्यमानी महसुस गरेको उल्लेख गरेकी छन् ।

उनले लेखेकी छन्, ‘लामो अन्तराल पश्चात् मेरो जीवनमा खुसीको अर्को अध्याय थपिएको छ । खुशिको अर्को रङ्ग पोतिएको छ अनि आशाको अर्को दीप झुल्किएको छ । मेरो दाम्पत्य जीवनमा एउटी सुन्दर, सुशील र अवोध सुपुत्रीको आगमनसँगै जीवनको अर्को पाटो सुरु भएको छ । आजबाट मैले संसारकै सबै भन्दा सुन्दर शब्द आमाू बाट सम्बोधित हुने एउटा भाग्यमानी नारीको जमातमा सामेल हुने मौका पाएकी छु । यो मेरो जीवनको सबै भन्दा ठूलो अवार्ड हो , सबैभन्दा अमूल्य प्राप्ति अनि बहुमूल्य सम्पत्ति हो ।

मेरो प्रशव अवस्थामा सुस्वास्थ्यको कामना गरी म प्रति साहनुभुतिि जनाइदिने मेरा आफन्त, परिवार, नातागोता र शुभचिन्तकहरू सम्पूर्ण प्रति हार्दिक आभार व्यक्त गर्दै मेरो सुख दुखमा कोमल हात दिने अनि न्यानो साथ दिने मेरो जीवनसाथी बिजयन्द्र शिह रावत लाई मुरी मुरी माया । मेरो काखमा मुसुक्क मुस्कुराई रहेकी सानी परीलाई यो खुल्ला आकाश अनि सुन्दर धर्तीमा हार्दिक स्वागत ।’रातोपाटी बाट