विराटनगरमा आगलागीबाट तिन जनाको मृत्यु
मंसिर,२१ काठमाडौं । विराटनगरको सातघुम्तीस्थित कवाडी गोदाममा हिजो दिउँसो आगलागीमा परेर ज्यान गुमाउनेको संख्या तीन पुगेको छ। काठमाडौंमा उपचारका क्रममा सुनिता कामतको मृत्यु भएको मोरङ प्रहरीले बताएको छ ।
‘उपचारका लागि काठमाडौं पठाइएका चारमध्ये सुनिता कामतको हिजो राति ८ः२५ मा उपचारकै क्रममा निधन भएको छ’, मोरङ प्रहरी प्रवक्ता रन्जन दाहालले भने ‘घटनास्थलमै जलेर ज्यान गुमाउने सुशीला पासवान भएको पनि खुलेको छ।’
आगलागीमा परेर गम्भीर घाइते दीपक मण्डलको न्यूरो अस्पताल विराटनगरमा उपचारका क्रममा मृत्यु भएको थियो। थप घाइते ३ जनाको बर्न अस्पतालमा उपचार भइरहेको छ।
