काठमाडौं-१६ का वडाध्यक्ष मुकुन्द रिजालको निधन
भदौ,२१ काठमाडौं । नेपाली कांग्रेसका नेता मुकुन्द रिजालको निधन भएको छ। काठमाडौं महानगरपालिका-१६ का वडाध्यक्ष समेत रहेका रिजालको उपचारको क्रममा आज बिहान काठमाडौंको ग्रान्डी अस्पतालमा निधन भएको हो।
ग्रान्डीमा डेंगीको उपचार गराइरहेका रिजालको आज बिहान साढे ६ बजे निधन भएको अस्पतालमा रहेका नेविसंघ नेता सुशील भट्टले बताए । रिजाल नेपाली कांग्रेस काठमाडौं क्षेत्र नम्बर ७ का सभापति समेत हुन्।
