श्रीमती राजनीतिमा सक्रिय भएपछि श्रीमान्ले सम्बन्धविच्छेदका लागि आवेदन दिएका छन्। यो घटना भारत उत्तर प्रदेश राज्यको हो। उत्तर प्रदेशको आगरामा एकजना श्रीमान्ले श्रीमती राजनीतिमा सक्रिय भएको र घरमा समय दिन नसकेको भन्दै डिभोर्सका लागि अदालतमा निवेदन दिएका हुन्।

राजनीतिमा सक्रिय भएपछि श्रीमतीले घरमा समय दिन नसकेको र घर नै बर्बाद हुने अवस्थामा पुगेको आरोप श्रीमान्ले लगाएका छन्। ८ वर्ष अघि विवाह बन्धनमा बाँधिएका दुबैजनाको ६ वर्षीय एकजना छोरा छन्। सुरुको २/३ वर्ष सम्बन्ध राम्रै भएपनि पछिल्लो समय विवाद उत्पन्न हुँदै आएको छ। 

श्रीमान्ले श्रीमतीलाई राजनीतिमा नलाग्न भन्दै आएका थिए। तर, श्रीमान्को कुरा नमानेर श्रीमतीले बजारका विभिन्न स्थानमा आफ्नो होर्डिङ्ग लगाउन थालिन् र राजनीतिमा निकै सक्रिय हुन थालिन्। श्रीमतीको राजनीतिक गतिविधिबाट असन्तुष्ट बनेका श्रीमान्ले राजनीति छोड्न भन्दै आएका थिए। श्रीमान्ले राजनीतिमा नलाग्न भनेपछि र विवाद हुन थालेपछि अहिले ती महिला माइत घरमा बसिरहेकी छिन्। एजेन्सी