जसपाको बैठक जारी
बैशाख,२७ काठमाडौं । जनता समाजवादी पार्टी (जसपा)को केन्द्रीय कार्यकारिणी समितिको बैठक जारी छ।
पार्टी कार्यालय बालकुमारीमा जारी बैठकमा जेठ १ गतेदेखि सुरू हुने विधान अधिवेशन, पार्टी संसदीय दलको नेता, प्रमुख, सचेतक चयनमा केन्द्रित रहेको जसपा अध्यक्ष उपेन्द्र यादवका स्वकीय सचिव महेश चौरसियाले बताए ।
जारी बैठकमा सघीय सरकारमा मन्त्री पठाउनेबारे पनि छलफल हुने उनले बताए। त्यस्तै, बैठकमा मधेस सरकारको कामको समीक्षालगायत अरू समसामयिक विषयमा पनि छलफल हुनेछ। जसपाले यही जेठ १, २, र ३ गते विधान अधिवेशन गर्दैछ। मौजुदा मन्त्रिपरिषद्मा जसपाले एकजना मन्त्री पठाउन बाँकी छ।
