आफ्नै छोराले गरे बुवाको हत्या
भदौ,१२ काठमाडौं। पाल्पामा छोराले बुवाको हत्या गरेका छन् । पाल्पाको माथागढी गाउँपालिका-४ नेटाका १४ वर्षीय छोराले ४५ वर्षीय तिलबहादुर दिसाको हत्या गरेका हुन् ।
पारिवारिक झगडा भएपछि हिजो राति ८ बजे छोराले तिलबहादुरको टाउकोमा चिर्पट दाउराले हानेका थिए । तिलबहादुरको घटनास्थलमै मृत्यु भएको जिल्ला प्रहरी कार्यालय पाल्पाका सूचना अधिकारी डीएसपी वीरेन्द्र थापाले बताए ।
घटनाबारे स्थानीयले आज बिहान खबर गरेपछि प्रहरीको टोली घटनास्थल पुगेको थियो ।
प्रहरी टोलीले तिलबहादुरका छोरालाई नियन्त्रणमा लिएको छ ।
