सुनको सिक्री लुटेको आरोपमा एक जना पक्राउ
जेठ, १८ काठमाडौं । प्रहरीले काठमाडौंबाट सुनको सिक्री लुटेको आरोपमा एक जनालाई पक्राउ गरेको छ।
कागेश्वरी मनोहरा नगरपालिका-४ नयाँ गाउँ घर भई वडा नम्बर-५ गजरकोट बस्ने ३५ वर्षीय राकेश नगरकोटीलाई प्रहरी वृत्त बौद्धबाट खटिएको टोलीले पक्राउ गरेको जिल्ला प्रहरी परिसर काठमाडौंका प्रवक्ता दिनेशराज मैनालीले जानकारी दिए।
उनका अनुसार बुधबार नगरकोटीले सोही नगरपालिका-५ स्थित कोलमोतेश्वर मन्दिर नजिकबाट ४० वर्षीया महिलाले गलामा लगाएको सुनको सिक्री लुटेका थिए। उनीहरूले महिलाको गलाबाट तानेर लुटेर भागेका थिए।
