लामखुट्टे धपाउन बालिएको धूपले आगलागी लाखौँ रुपैयाँ बराबरको धनमाल नष्ट
काठमाडौं २८ चैत । रौतहटको कटहरिया नगरपालिका २ हंथियाही गाउँ स्थित २ घर गोठमा भएको आगलागीमा लाखौँ रुपैयाँ बराबरको धनमाल जलेर नष्ट भएको हो । लामखुट्टे धपाउन बालिएको धूपबाट सल्किएर आज बिहान ३ बजे स्थानीय सुनिल कुमार झाको गोठमा आगलागी भएको थियो । आगलागीबाट गोठ तथा गोठभित्र राखिएको काठ र फर्निचर जलेर २ लाख बराबरको क्षति भएको पीडित झाले बताएका छन् ।
नरेन्द्र झाको गोठमा आंशिक रूपमा भए पनि ५० हजार बराबरको क्षति भएको पीडित परिवारले जानकारी दिए । बिहानीपख गाउँलेहरू गोठ तथा खेत तर्फ तत्काल पुगेकाले ठुलो क्षति हुन बाट जोगिएको इलाका प्रहरी कार्यालय कटहरियाका प्रमुख सई सुरेश गुप्ताले जानकारी दिएका छन् ।
