Yeti Khabar

२०७९ आश्विन १२, बुधबार - Wed Sep, 2022 -

प्रधानमन्त्री शेरबहादुर देउवा र भारतीय समकक्षी नरेन्द्र मोदी पञ्चेश्वर परियोजनालाई तीव्र रूपमा अघि बढाउने विषयमा सहमत

काठमाण्डौ १९ चैत । तीन दिने औपचारिक भारत भ्रमणमा रहेका प्रधानमन्त्री देउवा र मोदीबीच शनिबार हैदरावाद हाउसमा भएको भेटवार्ताका क्रममा दुई पक्षीय सम्बन्धका अरू विविध विषयमा छलफल भएको थियो।

प्रतिनिधि मण्डलस्तरीय वार्तापछि दुबै प्रधानमन्त्रीले संक्युत रूपमा प्रेसलाई सम्बोधन गरेका थिए।
उक्त सम्बोधनका क्रममा भारतीय प्रधानमन्त्री मोदीले नेपाल-भारत जस्तो सम्बन्ध विश्वमा अरू कुनै मुलुकमा देख्न नपाइने बताएका थिए।
प्राचीनकालदेखि दुई देश एक-अर्काका सुख दुस्खका साथी रहेको मोदीको भनाइ छ।

उनले भने,देउवाजी र मेराबीच यी सब र थुप्रै महत्वपूर्ण विषयमा सार्थक वार्ता भएको छ। विभिन्न परियोजनाको प्रगतिको समीक्षा गरेका छौं। भविष्यको सम्बन्धको रूपरेखाबारे पनि विचारविमर्श गरेका छौं।

मोदीले दुबै प्रधानमन्त्री ऊर्जा क्षेत्रमा सहयोगको अवसरको पूरा लाभ उठाउनु पर्छ भन्नेमा सहमत भएको र जोइन्ट भिजन स्टेटमेन्ट अन पावर कोअपरेसन भविष्यमा सहयोगको ब्लुप्रिन्ट बन्ने बताए।

मोदीले पञ्चेश्वर परियोजना यो क्षेत्रको विकासमा गेम चेन्जर बन्ने बताए।
पञ्चेश्वर परियोजनामा हामीले तीव्र गतिमा अघि बढ्ने प्रक्रियामा जोड दिएका छौं। यो परियोजना यो क्षेत्रको विकासको लागि गेम चेन्जर बन्नेछ,मोदीले भने।

उनले भारतका अरू कम्पनीबाट नेपालको जलविद्युतमा अरू साझेदारी गर्नेमा समझदारी भएको बताए।
यो खुसीको विषय हो कि नेपाल आफ्नो बढी भएको बिजुली भारतलाई निर्यात गरिरहेको छ। बिजुली आयात गर्ने अरू प्रस्ताव पनि स्वीकृत हुन गइरहेका छन्, मोदीले भने ।
सम्बोधनका क्रममा प्रधानमन्त्री देउवाले भारतले नेपालका विभिन्न क्षेत्रमा गरेको सहयोगका लागि धन्यवाद दिँदै नेपाललाई नयाँ हवाई रूट दिने विषयमा पनि छलफल गरेको बताए।

हामीले सीमासम्बन्धी विषयमा पनि कुरा गर्‍यौं र मैले प्रधानमन्त्री मोदीलाई स्थापित संयन्त्रमार्फत् सीमा समस्या समाधान गर्न आग्रह गरें, प्रधानमन्त्री देउवाले भने।
सम्बोधनअघि देउवा र मोदीले जयनगर(जनकपुर रेल, सोलु ट्रान्समिसन लाइन र नेपालमा भारतीय कार्ड सञ्चालनको उद्घाटन गरेका थिए।

Facebook Comment
Company Information

यती मिडिया प्रा.लि.(Yati Media Pvt. Ltd.)
अध्यक्ष: मोतिसरा खड्का
सम्पादक: डम्बर विक्रम कार्की
सुचना तथा प्रसारण विभाग दर्ता नं
3193-2078/2079
कम्पनी दर्ता नं: 283675/078/079
प्यान नं: 610213157

Contact Information

Yati Media Pvt. Ltd.
Putali Galli, Kalanki, Kathmandu

01 5315254, 9851100556
info@yetikhabar.com
www.yetikhabar.com