हत्या गरेको आरोपमा २ जना पक्राउ
![](https://www.yetikhabar.com/wp-content/uploads/2022/03/859674-75199-axhywvjxyg-1511960362-1024x538.jpg)
पोखरा महानगरपालिका–२० मौजा बस्ने ३५ वर्षीय चोकेन्द्र गुरुङलाई धारिलो हतियार चक्कु प्रहार गरी हत्या गरेको आरोपमा २ जनालाई बुधबार राति प्रहरीले पक्राउ गरेको हो । पक्राउ पर्नेहरूमा पोखरा महानगरपालिका–२० लामडाँडा बस्ने २९ वर्षीय प्रकाश गुरुङ र २५ वर्षीय निशान गुरुङ रहेका छन् ।
![](https://www.yetikhabar.com/wp-content/uploads/2022/03/close-up-of-metal-handcuffs-150638685-5b1ddf908e1b6e003627e844.jpg)
उनीहरूले चक्कु प्रहार गर्दा गम्भीर घाइते भएका चोकेन्द्रको मणिपाल अस्पतालमा उपचारको क्रममा मृत्यु भएको प्रहरीले जनाएको छ । उक्त घटना भएको खबर प्राप्त हुनासाथ वडा प्रहरी कार्यालय र जिल्ला प्रहरी कार्यालय कास्कीबाट खटिएको प्रहरीले दुवै जनालाई पक्राउ गरेको हो ।