काठमाडौंको पुतलीसडकस्थित एक घरमा आगलागी
काठमाडौंको पुतलीसडकस्थित एक घरमा आगलागी भएको छ।
आज राति पुतलीसडकस्थित गणेश गल्लीमा रहेको एक घरमा अचानक आगलागी भएको जिल्ला प्रहरी परिसर काठमाडौंका प्रहरी उपरीक्षक दिनेशराज मैनालीले जानकारी दिए।
आगलागी कसरी भएको हो भन्ने खुलेको छैन। अहिले आगो नियन्त्रणमा लिने प्रयास भइरहेको प्रहरीले जनाएको छ।
आगो निभाउन दमकल र पानी ट्यांकर प्रयोग गरिएको छ।
