झाडापाखालाका कारण एक बालिकाको मृत्यु
बैशाख,२७ काठमाडौं । डडेल्धुरामा झाडापाखालाका कारण एक बालिकाको मृत्यु भएको छ । परशुराम नगरपालिका– ८ गुप्तेगडाकी १४ वर्षीया संगिता धामीको हिजो साँझ मृत्यु भएको हो ।
धामीको झाडापखालाका कारण मृत्यु भएको जोगबुडा अस्पतालका डाक्टर जितेन्द्र चौधरीले बताए । उनको शरिरमा पानीको मात्रा निकै कम भएको अवस्थामा थप उपचारका लागि धनगढी रेफर गरेकामा बाटोमै मृत्यु भएको थियो ।
यस्तै सोही गाउँका अन्य तीन जना झाडापखालाका कारण अस्पताल भर्ना भएका छन् । संगितासहित एकै परिवारका पाँच जनालाई हिजो बिहान १० बजे उपचारका लागि जोगबुडा अस्पताल पुर्याइएको थियो ।