ट्रयाक्टर दुर्घटनामा एक युवकको मृत्यु
असार, १ काठमाडौं । ट्रयाक्टर दुर्घटनामा सर्लाहीमा एक युवकको मृत्यु भएको छ। सर्लाहीको मलंगवा नगरपालिका ६ लखनदेई खोलामा तटबन्धको लागि ढुंगा लोड गरेको ज १ त ३८२४ नम्बरको ट्रयाक्टर दुर्घटना हुँदा एक युवकको मृत्यु भएको हो।
मृत्यु हुनेमा सर्लाहीकै चन्द्रनगर गाउँपालिका ५ मोहनपुरका ३२ वर्षीय रबिन्द्र साह सोनार रहेका छन्। ट्रयाक्टर पल्टिँदा सोनार त्यसैमा च्याएको र घटनास्थलमै मृत्यु भएको सर्लाही प्रहरीले जनाएको छ।
