भारतीय ट्राफिक प्रहरीलाई वातावरण अनुकूलित हेल्मेट दिइने
भारतीय ट्राफिक प्रहरीलाई वातावरण अनुकूलित हेल्मेट दिइने भएको छ । विभिन्न राज्यका प्रहरी विभागले उच्च गर्मीमा बीच सडकमा ट्राफिक व्यवस्थापन गर्न खटिने ट्राफिकलाई वातावरण अनुकूलित हेल्मेट दिने तयारी छ ।
४० डिग्री सेल्सियसभन्दा माथिको तापक्रममा पनि यो हेल्मेटले शितल महशुस गराउने र आँखालाई सूर्यको प्रकाशबाट जोगाउन सहयोग गर्नेछ । केही दिनअघि गुजरातमा अत्यधिक गर्मीका कारण सडकमा ट्राफिक प्रहरी बेहोस भएको खबर आएपछि सेवामा रहेका ट्राफिकलाई यो हेल्मेट दिन लागिएको हो ।
हेल्मेटले कम्मरमा फिट गरिएको ब्याट्रीबाट काम गर्छ । यसमा चार्जिङ प्वाइन्ट रहेको छ र एक पटक पूरा चार्जमा गरेपछि आठ घण्टासम्म चल्न सक्ने भारतीय सञ्चारमाध्यमले जनाएका छन् । एजेन्सी
