ओमान पठाइदिन्छू भन्दै ठगी गर्ने एक जना पक्राउ
माघ,९ काठमाडौं । वैदेशिक रोजगारीका लागि ओमान पठाइदिन्छु भनी रकम ठगी गर्ने २५ वर्षीय उज्ज्वलराज पाण्डेलाई प्रहरीले पक्राउ गरेको छ । सिन्धुपाल्चोक मेलम्ची नगरपालिका–११ घर भई हाल काठमाडौं महानगरपालिका–६, बौद्ध बस्ने पाण्डेले विवेक सुनारसहित तीनजनालाई वैदेशिक रोजगारीका लागि ओमान पठाइदिन्छु भन्दै पाँच लाख ३० हजार लिई सम्पर्कविहीन भएका थिए ।
उनले ओमान जान प्रतिव्यक्ति दुई लाख ५० हजार लाग्ने र मासिक ६० हजार तलब हुने प्रलोभनमा ठगी गरेको भन्दै काठमाडौं उपत्यका अपराध अनुसन्धान कार्यालयमा उजुरी परेको थियो ।
