वीरगन्जमा मोटरसाइकल दुर्घटना हुँदा दुई जनाको मृत्यु
माघ,७ काठमाडौं । वीरगन्जको नेसनल मेडिकल कलेज तथा शिक्षण अस्पतालमा अध्ययनरत दुई जना विद्यार्थीको आज बिहान मोटरसाइकल दुर्घटनामा मृत्यु भएको छ। मृत्यु हुनेमा बाराको हर्दिया घर भएका २३ वर्षीय सन्दीप यादव र धनुषाको सबैला घर भएका २३ वर्षीय सुमित यादव रहेको प्रहरीले बताएको छ ।
वीरगन्ज–१५ भिस्वाको जिल्ला आयुर्वेद अस्पताल नजिकैको सडकमा प्रदेश २–०३–०२१ प ५४३२ नम्बरको यमहा कम्पनिको आर १५ मोटरसाइकल दुर्घटना हुदाँ उनीहरूको घटनास्थलमै मृत्यु भएको पर्साका प्रहरी प्रबक्ता कुमार विक्रम थापाले बताए ।
मृतक दुवै जना नेसनल मेडिकल कलेज तथा शिक्षण अस्पतालमा एमबिबिएस अध्यनरत विद्यार्थी रहेको प्रबक्ता थापाले बताए। भिस्वाबाट भेडियाही जाने बाटोमा उक्त मोटरसाइकल आफैँ अनियन्त्रित भएर दुर्घटनामा परेको उनले बताए।
