रेनु ६६६६ मतको अग्रता
जेठ,७ काठमाडौं । भरतपुर महानगरपालिकामा गठबन्धनको तर्फबाट नेकपा माओवादी केन्द्रकी मेयर उम्मेदवार रेनु दाहालले आफ्ना प्रतिस्पर्धीहरूसँग अग्रता कायम राखेकी छन्।
८१ हजार १०९ मत गणना गर्दा उनले ३१ हजार ६७६ मत ल्याएकी छन्। उनका प्रतिस्पर्धी नेकपा एमालेका विजय सुवेदीले २५ हजार १० मत प्राप्त गरे।
यस्तै, भुइँकटहर चुनाव चिन्ह लिएर उम्मेदवारी दिएका जगन्नाथ पौडेलले ११ हजार ९६ मत प्राप्त गरेका छन्।
उपमेयरमा पनि गठबन्धनको तर्फबाट नेपाली कांग्रेसका चित्रसेन अधिकारी अगाडि छन्। उनले ३४ हजार ८६ मत ल्याएका छन्।
