श्रीलङ्कालाई चीनले आपतकालीन सहयोग स्वरुप दुई हजार टन चामल
गम्भीर आर्थिक सङ्कटमा परेको श्रीलङ्कालाई चीनले आपतकालीन सहयोग स्वरुप दुई हजार टन चामल उपलब्ध गराएको छ ।
श्रीलंकाको राजधानी कोलम्बोस्थित चिनियाँ दूतावासले शुक्रबार वक्तव्य जारी गर्दै छिमेकी मुलुकको आधारभूत जिम्मेबारी स्वरुप दुई हजार टन चामल उपलब्ध गराइएको जनाएको हो ।
अन्तर्राष्ट्रिय मिडियाका अनुसार श्रीलंकामा आर्थिक संकट उत्पन्न भएपछि विद्यार्थीको परीक्षाका लागि कागज किन्ने रकमसमेत पर्याप्त नभएको बताइन्छ ।
यस क्रममा श्रीलङ्काले सहयोगका लागि सबैलाई अनुरोध गरेको थियो । श्रीलङ्काको आग्रहकै आधारमा सहयोग उपलब्ध गराइएको चिनियाँ दूतावासद्वारा जारी वक्तव्यमा उल्लेख छ ।
कोरोना भाइरसको महामारी र त्यसपछिको राष्ट्रिय तथा अन्तर्राष्ट्रिय विभिन्न परिस्थितिका कारण श्रीलङ्का सङ्कटमा परेको श्रीलङ्काली अधिकारीहरूले बताउँदै आएका छन् ।
