थप ५ दिन हिरासतमा पल शाह
![](https://www.yetikhabar.com/wp-content/uploads/2022/03/Paul-Shah-1024x624-1.jpg)
काठमाडौं ४ चैत नाबालिग गायिकामाथि बलात्कार गरेको आरोपमा पक्राउ परेका पल शाहलाई जिल्ला अदालत तनहुँले थप ५ दिन हिरासतमा राख्न अनुमति दिएको हो।
जिल्ला अदालत तनहुँले अनुसन्धान गर्न थप ५ दिन हिरासतमा राख्न अनुमति दिएको जिल्ला प्रहरी कार्यालय ले जानकारी गराएको छ ।
नाबालिग गायिकाले जाहेरी दिएपछि शाहलाई प्रहरीले खोजी गरेको थियो। गत फागुन १५ मा शाह तनहुँ प्रहरीमा पुगेका थिए।
पल शाहले १७ वर्षीया गायिकामाथि पटक –पटक बलात्कार गरेको पीडित पक्षको आरोप रहेको छ ।
![](https://www.yetikhabar.com/wp-content/uploads/2022/03/paul-shah.jpg)
बिहीबार मात्रै नवलपुर जिल्ला अदालतमा उनीविरूद्ध बलात्कारको मुद्दा दायर भएको थियो। जिल्ला प्रहरी कार्यालय नवलपुरले अनुसन्धान गरी सरकारी वकिल कार्यालयमार्फत् अदालतमा मुद्दा दायर गरेको थियो।
नवलपुरमा उनलाई १२/१४ वर्ष कैद सजायको मागदाबी गरेको हो। यस्तै नाबालिगमाथि यौन हिंसा गरेको भन्दै ४ लाख क्षतिपूर्ति समेत माग गरिएको छ। ।