३० फागुन, काठमाडौं । प्रथम बागमती प्रदेश खेलकुद प्रतियोगिता अन्तर्गत आज भएको फुटबल प्रतियोगितामा रामेछाप र मकवानपुरले विजयी भएका हुन । रामेछापले सिन्धुपाल्चोकलाई र मकवानपुरले नुवाकोटलाई हराएका छन ।

रामेछापले सिन्धुपाल्चोकलाई ट्राइब्रेकरमा ४–२ ले हराएको हो भने । ट्राइब्रेकरमा रामेछापका श्रीकृष्ण माझी, अनिल माझी, निकेश कार्की र सुमन सिन्धुपाल्चोकका सुजन माझी र विज्ञान थिङले मात्र गोल गर्न सके । खेलमा रामेछापका गोलरक्षक युवराज तामाङ म्यान अफ द म्याच भए ।

दोस्रो खेलमा मकवानपुरले नुवाकोटलाई ३–० ले पराजित गर्‍यो । पहिलो हाफ गोलरहित बराबरीमा सकिएको खेलमा मकवानपुरका समिराज थोकरले ६०औं मिनेटमा टिमलाई अग्रता दिलाएका थिए । भने पछि सुदीप सापकोटाले ७८ र ८३ औं मिनेटमा गोल थपे । खेलको म्यान फ द म्याच मकवानपुरका सुदीप सापकोटा घोषित भए