म्याग्दीको लुलाङमा नेपाल टेलिकमको मोबाइल फोन सेवा विस्तार
FacebookTwitterViberEmailPrintFriendlyShare
म्याग्दी – दूरसञ्चार सेवाप्रदायक कम्पनी नेपाल टेलिकमले म्याग्दीको धवलागिरि गाउँपालिका–२ लुलाङमा मोबाइल फोन सेवा विस्तार गरेको छ । टेलिकमले धवलागिरि गाउँपालिका–२ खोरियाको नयाँ वनमा फोरजी इन्टरनेट चलाउन मिल्ने बिटिएस टावर स्थापना गरेर साविक लुलाङ गाविसमा मोबाइल फोन सेवा विस्तार गरेको हो ।
धवलागिरि गाउँपालिकाको खोरिया, दर, मुना, लमसुङ, लुलाङ, मरेनी, जलजला क्षेत्रलाई लक्षित गरेर बिटिएस टावर सञ्चालन भएको धवलागिरि–२ लुलाङका वडाध्यक्ष अकप्रसाद कुमाईले जानकारी दिनुभयो ।
फागुन पहिलो हप्ता बिटिएस टावर स्थापना भएको थियो । नेपाल विद्युत् प्राधिकरणले गएको हप्ता केन्द्रीय प्रसारण लाइनको विद्युत् सुविधा विस्तार गरेपछि चार महिनापछि बिटिएस टावर सञ्चालन भएको हो । रासस
