पूर्वमन्त्री तथा वामपन्थी नेता प्रदीप नेपालको निधन
बैशाख, २४ काठमाडौं । पूर्वमन्त्री तथा वामपन्थी नेता प्रदीप नेपालको हिजो निधन भएको छ । नेपालको नर्भिक अस्पतालमा उपचारका क्रममा निधन भएको अस्पतालले बताएको छ ।
नेपाल लामो समयदेखि पार्किन्सन लगायत रोगबाट पीडित थिए । बौद्धिक बामपन्थी राजनीतिज्ञ भनेर चिनिने उनी रोगले शिथिल बनाउँदै लगेपछि पछिल्लो समय राजनीतिबाट निष्क्रिय थिए ।
उनी नेकपा एमालेको ९ महिने शासनकालमा सूचना तथा सञ्चारमन्त्री बनेका थिए । पछिल्लो समय नेकपा एमाले विभाजन हुँदा माधव नेपाल नेतृत्वको नेकपा एकीकृत समाजवादीका सल्लाहकार थिए ।
