नदीमा पौडी खेल्ने क्रममा डुबेर दाजु भाइको मृत्यु
जेठ,२ काठमाण्डौ । दाङको बबई नदीमा पौडी खेल्ने क्रममा डुबेर दाजु भाइको मृत्यु भएको छ । बबई गाउँपालिका–७ ओदाले घाटमा पौडी खेल्ने क्रममा १८ वर्षका दीपक परियार र १६ वर्षका दिपेश डुबेका थिए । अस्ति सोमवार भारतबाट फूपूको घर बबई आएका दाजुभाइको हिजो नदीमा डुबेर ज्यान गएको इलाका प्रहरी कार्यालय खिलतपुरका प्रहरी निरीक्षक अजयजङ्ग थापाले जानकारि दिनुभयो ।
दीपकको उपचारका क्रममा प्रादेशिक अस्पताल तुलसीपुरमा र दिपेशको पौडी खेल्नेक्रममै ज्यान गएको प्रहरी निरीक्षक थापाले बताउनुभयो ।
