Yeti Khabar

२०७९ मंसिर १९, सोमबार - Mon Dec, 2022 -

ओलीले लेखेको राजनीतिक प्रतिवेदनकै भाषाजस्तो एमाले बैठक पनि संक्षेपमा सकिँदै

८ चैत, काठमाडौं । नेकपा एमालेको तेस्रो केन्द्रीय कमिटी बैठकको पहिलो दिन नै महत्वपूर्ण कार्यसूचि सकिएको छ । दुई दिनका निम्ति तय भएको बैठकमा बुधबार अध्यक्ष केपी शर्मा ओलीको राजनीतिक प्रतिवेदन, महासचिव शंकर पोखरेलको संगठनात्मक प्रतिवेदन र सातै प्रदेशका अध्यक्षहरुको रिर्पोटिङ सकिएको हो ।

yetikhabar.com

प्रचार विभाग प्रमुख एवम् उपमहासचिव पृथ्वीसुब्बा गुरूङका अनुसार, राजनीतिक तथा सांगठनिक प्रतिवेदनमाथि केन्द्रीय सदस्यहरूले बैठकमा बोल्न नपाउने भएका छन् । प्रतिवेदनप्रति राय दिनपरे लिखित रूपमा बुझाउन केन्द्रीय सदस्यहरूलाई निर्देशन दिइएको उपमहासचिव गुरूङ बताउँछन् ।

अर्थात् ओलीले लेखेको राजनीतिक प्रतिवेदनकै भाषाजस्तो एमाले बैठक पनि संक्षेपमा सकिँदैछ । नत्र राजनीतिक तथा संगठनात्मक प्रतिवेदन सहित एघार वटा कार्यसूची तय भएको र सातै प्रदेशको संगठनात्मक अवस्थाबारे छलफल गरिने बैठक यति चाँडै सकिने संभावना रहन्न ।

अझ स्थानीय चुनाव नजिकिएको र सत्तारूढ गठबन्धन कायमै रहेको विशेष परिस्थितिमा एमाले बैठकमा केन्द्रीय सदस्यहरुबीच निर्मम समीक्षा हुनसक्ने स्वभाविक अनुमान हुन्छ । १५ पृष्ठको प्रतिवेदनमा पनि विशेष परिस्थितिमा चुनाव हुन गइरहेको ओलीले स्वीकारेका छन् । तर पार्टीको कार्ययोजना र प्रस्तुत प्रतिवेदन पारित गरेर बिहीबार बैठक सकिँदैछ ।

Facebook Comment
Company Information

यती मिडिया प्रा.लि.(Yati Media Pvt. Ltd.)
अध्यक्ष: मोतिसरा खड्का
सम्पादक: डम्बर विक्रम कार्की
सुचना तथा प्रसारण विभाग दर्ता नं
3193-2078/2079
कम्पनी दर्ता नं: 283675/078/079
प्यान नं: 610213157

Contact Information

Yati Media Pvt. Ltd.
Putali Galli, Kalanki, Kathmandu

01 5315254, 9851100556
info@yetikhabar.com
www.yetikhabar.com