मधेस प्रदेशका मुख्यमन्त्रीले विश्वासको मत लिँदै
फागनु,६ काठमाडौं । मधेस प्रदेशका मुख्यमन्त्री सरोजकुमार यादवले आजविश्वासको मत लिने भएका छन्। जनमत पार्टीका दुई मन्त्रीले गत माघ ९ गते राजीनामा दिँदै सरकारलाई दिएको विश्वासको मत पनि फिर्ता लिएपछि मुख्यमन्त्री यादवले विश्वासको मत लिन लागेका छन् ।
विश्वासको मत लिने प्रयोजनका लागि आज दिउँसो २ बजे मधेस प्रदेश सभाको बैठक बोलाइएको छ। मुख्यमन्त्री यादवले आइतबार विश्वासको मत लिनका लागि मधेस प्रदेश सभा सचिवालयलाई गत बिहीबार पत्र पठाएका थिए ।
जसपाका यादव गत पुस २७ गते मधेस प्रदेशको मुख्यमन्त्री नियुक्त भएका थिए। मुख्यमन्त्री बनेयता यादवले विश्वासको मत लिन लागेको यो तेस्रो पटक हो।
