एमालेका महासचिव शंकर पोखरेल चढेको गाडी दुर्घटना
माघ,२८ काठमाडौं । नेकपा (एमाले) का महासचिव शंकर पोखरेल चढेको गाडी दुर्घटनामा परेको छ। महासचिव चढेको म १ च ३६९ नम्बरको गाडी हिजो दिउँसो साढे तीन बजे दैलेखको डुंगेश्वरमा दुर्घटना भएको पार्टी केन्द्रीय सदस्य विष्णु रिजालले बताए ।
चुप्रा बजार नजिकै गाडी सडक छेउमा पल्टिएको थियो। महासचिव पोखरेल सकुशल रहेको रिजालले बताए । एमाले महासचिव पोखरेल पार्टी दैलेख जिल्ला कमिटीको आठौं अधिवेशन उद्घाटनका लागि जाँदै थिए । गाडीमा पाँच जना सवार रहेको र दुर्घटनामा एमाले कर्णालीकी उपसचिव पद्मा खड्काको हात भाँच्चिएको रिजालले बताए ।
