बारामा नक्कली नोटसहित पाँचजना पक्राउ
माघ,२५ काठमाडौं । जिल्ला प्रहरी कार्यालय बाराले एक हजार दरका ६१ थान नक्कली नेपाली नोटसहित पाँचजनालाई पक्राउ गरेको छ। पक्राउ पर्नेमा बारा परवानीपुर गाउँपालिका– ५ का सुमित साह, सोही ठाउँ बस्ने सन्तोष पटेल, पर्साको वीरगन्ज महानगरपालिका– १० का विशालकुमार श्रीवास्तव, सोही ठाउँ बस्ने नीरज श्रीवास्तव र सर्लाहीको चन्द्रनगर गाउँपालिका निवासी ४४ वर्षीय रामचन्द्र महतो कोइरी रहेका छन्।
विशेष सूचनाको आधारमा उनीहरूलाई नक्कली नोटको कारोबार गरिरहेको अवस्थामा विभिन्न ठाउँबाट पक्राउ गरिएको प्रहरी नायब उपरीक्षक दधिराम न्यौपानेले बताए ।
