धरौटी तिरेर छुटे युट्युबर मनोजकुमार महतो
मंसिर,२० काठमाडौं । विद्युतीय कारोबार ऐनअन्तर्गतको कसुरमा समातिएका युट्युबर मनोजकुमार महतो रिहा भएका छन् । काठमाडौं जिल्ला अदालतमा १ लाख रुपैयाँ धरौटी बुझाएर उनी छुटेका छन्।
फेसबुकमार्फत आफ्नो चरित्र हत्या गरेको भन्दै एक महिलाले दिएको उजुरीका आधारमा नेपाल प्रहरीको साइबर ब्युरोले उनलाई २३ कात्तिकमा पक्राउ गरेको थियो । उनलाई २४ पुसमा पुनः अदालतमा उपस्थित हुन पनि भनिएको छ । स्टार अनलाइन नामक पोर्टल र युट्युब च्यानल चलाउने उनीमाथि पत्रकारको आवरणमा चरित्रहत्या र रकम मोलमोलाइ गर्ने गरेको आरोप पनि छ ।
