दोलखामा भरुवा बन्दुक पड्काउँदा एक जनाको मृत्यु
मंसिर,१७ काठमाडौं । भरूवा बन्दुक पड्किँदा दोलखामा एक युवाको मृत्यु भएको छ। तामाकोशी गाउँपालिका वडा नम्बर २ झुलेस्थित जंगलमा २२ वर्षीय सञ्जिव कार्कीको हिजो मृत्यु भएको जिल्ला प्रहरी कार्यालय दोलखाका डिएसपी दीपक खड्काले बताए।
भरूवा बन्दुक लिएर कार्कीसहित सात जना गए राति घरनजिकै जंगलमा सिकार खेल्न गएका थिए। कार्कीले भरूवा बन्दुक पड्काउँदा आफैंलाई लागेको थियो।
हिजो बेलुकी करिब ११ बजेतिर सञ्जिवले भरूवा बन्दुक पड्काएको र आफैंलाई लागेको उनीसँगै गएका साथीहरूले बयानका क्रममा भनेका छन्,’ उनले भने, ‘घटनाबारे प्रहरीलाई गए राति करिब २ बजेतिर खबर आएको थियो।’ प्रहरीले ६ जनालाई नियन्त्रणमा लिएर सोधपुछ गरिरहेको छ।
