टेलिकमको २० हजार थान रिचार्ज कार्ड हरायो
साउन,२४ काठमाडौं । सरकारी स्वामित्वको दूरसञ्चार सेवा प्रदायक कम्पनी नेपाल टेलिकमका २० हजार रिचार्ज कार्ड हराएका छन्। नेपाल टेलिकमले एक सूचना जारी गर्दै रिचार्ज कार्ड हराएको बताएको छ ।
टेलिकमले जारी गरेको सूचनाअनुसार ५० रुपैयाँ दरका २० हजार रिचार्ज कार्ड हराएका हुन्। हराएका कूल कार्ड करिब १० रुपैयाँ बराबरका रहेका जनाइएको छ।
नेपाल टेलिकमको वायरलेस सेवा निर्देशनालयले जारी गरेको सूचनामा ढुवानीका क्रममा सिरियल नम्बर ११२२१२००१३७८०००१ देखि ११२२१२००१३८००००० सम्मका हराएको जनाइएको छ। नेपाल टेलिकमले उक्त सिरियल नम्बरका कार्डहरु भेटिएमा प्रयोग नगर्न समेत अनुरोध गरेको छ।
