भारतमा अलपत्र परेका ७ महिलालाई प्रहरीले गर्यो उद्धार
जेठ,८ काठमाडौं । भारतमा अलपत्र परेका ७ महिलालाई प्रहरीले उद्धार गरेको छ। भारतको बाटो हुँदै वैदेशिक रोजगारीमा जान हिडेका सात महिलालाई नेपाल प्रहरीको मानव बेचबिखन अनुसन्धान ब्युरोले दुई साताअघि उद्धार गरेको हो।
कुवेत,ओमन लैजाने भन्दै भारत पुर्याएर एजेन्ट सम्पर्कविहीन बनेपछि अलपत्र परेको ब्युरोका प्रवक्ता प्रहरी उपरीक्षक कृष्ण प्रसाद पंगेनीले जानकारी दिए ।
‘अलपत्र परेपछि भारतीय हेल्पक्रस संस्थाको सहयोगमा उद्धार गरेका हौंʼउनले भने। हेल्पक्रस संस्थाले नेपाली दुतावासलाई पत्रचार गरेपछि ब्युरोले उद्धार गरेको उनले बताए । उनीहरू २५ देखि ३५ वर्ष उमेरका छन्।