नेकपा माओवादी केन्द्रको स्थायी कमिटी बैठक बस्दै
माघ १२ काठमाडौँ । सत्तारुढ नेकपा माओवादी केन्द्रको स्थायी कमिटी बैठक आज बस्दै छ । पार्टी कार्यालय पेरिसडाँडामा बस्ने बैठकमा समसामयिक राजनीति र विभिन्न पार्टीसँग एकताको विषयमा छलफल हुने बताइएको छ ।
माओवादी केन्द्र, नेकपा एकीकृत समाजवादी र नेपाल समाजवादी पार्टीबीच एकता हुने चर्चा पछिल्लो समय राजनीतिक वृत्तमा छ । पार्टीहरूले एकताका लागि विभिन्न समिति गठन गरेर काम गरिरहेका छन् ।
आजको बैठकमा आसन्न राष्ट्रपति र उपराष्ट्रपतिको चुनावबारे पनि छलफल हुने बताइएको छ । सत्ताको शक्ति माथिनै प्रश्न उठ्न थालेपछि अहिले प्रचण्ड विचार मिल्ने पार्टी संग सके एकता नसके मोर्चा भएपनि गठन गर्ने पक्षमा रहेको जानकारहरु वताउछन ।
