भिरबाट लडेर एक जनाको मृत्यु
मंसिर,१६काठमाडौं । दार्चुलामा भिरबाट लडेर एक जनाको ज्यान गएको छ । भिरबाट लडेर व्यास गाउँपालिका–३ तुसरपानीका ५० वर्षीय डम्मरसिंह डडालको ज्यान गएको जिल्ला प्रहरी कार्यालय दार्चुलाले बताएको छ ।
आज दिउँसो घाँस–दाउरा काट्ने क्रममा भिरबाट लडेका डडालको घटनास्थलमै ज्यान गएको जिल्ला प्रहरी कार्यालय दार्चुलाका प्रहरी निरीक्षक इन्स्पेक्टर राजेश शाहीले बताउनु भयो ।
