खानीखोला गाउँपालिकाको अध्यक्ष र उपाध्यक्षमा गठबन्धन विजयी
४ जेठ, काठमाडौं । काभ्रेको खानीखोला गाउँपालिकाको अध्यक्ष र उपाध्यक्षमा गठबन्धनका उम्मेदवार विजयी भएका छन् ।
गाउँपालिकाको अध्यक्षमा गठबन्धनका तर्फबाट नेकपा माओवादी केन्द्रका इन्द्रबहादुर थिङ र उपाध्यक्षमा नेपाली कांग्रेसका दोर्जे मान जिम्वा निर्वाचित भएका छन्।
गाउँपालिकाको अध्यक्षमा एमालेका शेखर लामालाई १ हजार ३ सय बढी मतले हराउँदै माओवादी केन्द्रका इन्द्रबहादुर थिङ निर्वाचित भएका हुन् । थिङले ४ हजार ४८५ मत ल्याउँदा एमालेका लामाले ३ हजार १५५ मात्र मत ल्याए ।
यस्तै गाउँपालिकाको उपाध्यक्षमा एमालेका रुकमेणी गुरुङलाई पराजित गर्दै कांग्रेसका दोर्जे मान जिम्वा निर्वाचित भएका हुन् ।
