कार्तिक,१६काठमाडौं । मोरङको बुढीगंगामा करेन्ट लागेर १ जनाको मृत्यु भएको छ। जहदा गाउँपालिकामा पाइप विष्फोट हुँदा २ जना घाइते भएका हुन्। बुढीगंगा गाउँपालिका–२ मा घर निर्माणका लागि बाँस काट्ने क्रममा विद्युत्को हाइटेन्सन लाइनको तारमा बाँसले छुँदा करेन्ट लागेर मृत्यु भएको प्रहरीले बताएको छ ।

विराटनगर महानगरपालिका–६ का ३० वर्षीय राम मण्डलको करेन्ट लागेर मृत्यु भएको मोरङ प्रहरीले बताएको छ। हिजो दिउँसो करेन्ट लागी घाइते भएका मण्डलको विराट मेडिकल कलेजमा उपचारका क्रममा हिजो बेलुका मृत्यु भएको मोरङ प्रहरीका प्रवक्ता डिएसपी दीपक श्रेष्ठले बताए ।

घटनाको अनुसन्धान थालेको प्रहरीले जनाएको छ। त्यसैगरी, जहदा गाउँपालिका–३ मा रहेको एक उद्योगमा पाइप विष्फोट हुँदा सप्तरीको विष्णुपुरका ३३ वर्षीय कृष्णकुमार साह र सप्तरी तिरुपका ४२ वर्षीय महेन्द्र साह घाइते भएको प्रहरीले बताएको छ ।