साउन,१९ काठमाडौं । गायन रियालिटी शो द भ्वाइस अफ नेपालु सिजन ४ को कोच परिवर्तन गरिएको छ।आज काठमाडौंमा एक कार्यक्रम गर्दै कोच परिवर्तन गरिएको जानकारी दिइएको हो।

तीनवटै सिजनमा कोचको रूपमा देखिँदै आएका दीप श्रेष्ठ र तेस्रो सिजनमा कोच रहेकी तृष्णा गुरुङको ठाउँमा राजेश पायल राई र प्रविशा अधिकारी देखिने भएका छन्।

कोच परिवर्तन गर्यो भने उहाँबाट केही नयाँ प्रतिभा आउँछ कि भन्ने लागेको छ, निर्देशक लक्ष्मण पौडेलले भने।
नयाँ कोच राजेश र प्रविशाले आगामी सिजनमा जोडिन पाउँदा उत्साहित रहेको बताए। यसअघि शोकोे हरेक सिजनमा एक महिला कोच परिवर्तन हुँदै आएका थिए। यसपटक भने दुई जना कोच परिवर्तन गरिएको हो।

अघिल्ला दुई सिजनमा कोच रहेका प्रमोद खरेल र राजु लामा यो वर्ष पनि यथावत् नै रहनेछन्।
कार्यक्रममा शोको काम अन्तिम चरणमा पुगेको जानकारी दिइएको छ। डिजिटल अडिसनमा सहभागी भएका करिब ४१ हजार आवेदकमध्येबाट १२० बढी प्रतिभाहरू ब्लाइन्ड अडिसनको तयारीमा छन्।