काठमाडौं २३ चैत । स्थानीय तहको निर्वाचनका लागि नेकपा एमालेले झापाका १३१ वडामा उम्मेदवार छनोट प्रक्रिया सुरू गरेको छ।
आज नेकपा एमालेले २९ वटा वडामा सर्वसम्मत रूपमा उम्मेदवार पनि सिफारिस गरेको छ।
धेरैजसो वडामा सर्वसम्मतका लागि छलफल जारी रहेको नेकपा एमाले झापाका सचिव शिव ढुङ्गेलले जानकारी दिएका छन।

उनका अनुसार बुद्धशान्तिको १, अर्जुनधाराका २, विर्तामोडका २, भद्रपुरका ४, मेचीनगरका २, कनकाईका २, झापाका गाउँपालिकाका २, कचनकवलको १, हल्दिबारीको १, बाह्रदशीका २, शिवसताक्षीका २, गौरीगञ्जका ३, गौरादहको १, कमलको १ र दमकको २ वटा वडाले वडाध्यक्ष र सदस्यहरूको उम्मेदवार चयन गरिएको हो।

सर्वसम्मत नभएका वडामा मतदानबाट उम्मेदवार सिफारिस गर्ने काम भइरहेको सचिव ढुङ्गेलले बताए
चैत २५ को पालिका कमिटीले मेयर, उपमेयर र अध्यक्ष, उपाध्यक्षको उम्मेद्वारी सिफारिसका लागि छलफल प्रारम्भ गर्नेछ।