मन्त्री कुमार मोक्तान महिला हिंसाको घटना अझै कायमै
बागमती प्रदेशकी सामाजिक विकास मन्त्री कुमार मोक्तानले समाजमा महिला हिंसाको घटना अझै पनि कायम रहेको बताएकी छिन् ।
बागमती प्रदेशको सामाजिक विकास मन्त्रालयले ११२ औं अन्तर्राष्ट्रिय श्रमिक महिला दिवसको अवसरमा आज आयोजना गरेको ‘सामाजिक न्याय र लैङ्गिक समानताः दिगो विकासको सुनिश्चितता’ विषयक अन्तरक्रिया कार्यक्रममा बोल्दै मन्त्री मोक्तानले पितृसत्तात्मक सोच र महिला मैत्री संरचना अभावका कारण समाजका महिला हिंसाका घटना कायम नै रहेको बताउनु भयो।
उनले आम नागरिकहरुको मानसपटलमा पितृसत्तात्मक सोचले जरो गाडेर बसेको हुनाले सरकारले लिएका समाज सुधारका नयाँ नीति र कानुनको कार्यान्वयनमा पनि जटिलताहरू आएको बताउनु भयो।
