काठमाडौं २१ चैत । नेकपा एकीकृत समाजवादीका अध्यक्ष माधवकुमार नेपालले नेकपा एमालेका अध्यक्ष केपी शर्मा ओली देशकै लागि महाको घाँडो भइसकेको बताएका हुन।

आज विराटनगर विमानस्थलमा पत्रकारहरूसँग कुरा गदै नेपालले ओली दलहरूका लागि मात्रै नभई लोकतन्त्र, संविधान र देशकै लागि महाको घाँडो भइसकेको बताएका हुन्। नेपालले कहिले लोकतन्त्रको खास्टो ओडेर र कहिले वामपन्थीको खास्टो ओडेर अधिनायकवादीहरू सक्रिय रहने गरेको भन्दै अहिले नेपालमा वामपन्थको खास्टो ओडेर अधिनायकवादी शक्तिहरू सलवलाइरहेको बताए।

नेपालले आवश्यकताको आधारमा चुनावमा गठबन्धन हुने स्पष्ट पारे। ‘पहिले पनि हामीले २ वटा महानगर जितेकै हौं’ उनले भने ‘अहिले पनि हाम्रो २ वटा महानगरमा दाबी रहन्छ।’
उनले भने ‘कुनै पार्टीले बोलाएर जाँदा ठिकै हो तर, देशको प्रतिनिधित्व गरेर जाँदा कुनै पार्टीको कार्यालयमा जानु उचित हैन।’