सुन्दरीजलमा टिपरको ठक्करबाट २ जना विद्यार्थीको मृत्यु
काठमाडौंको गोकर्णेश्वर नगरपालिका–१ स्थित सुन्दरीजल दोबाटोमा टिपरको ठक्करबाट २ जना विद्यार्थीको मृत्यु भएपछि स्थानीयहरु आक्रोशित भएका छन् । बा.४ ख ६९६२ नम्बरको टिपरको ठक्करबाट आज बिहान ९ वर्षीया श्रेया तामाङ र ४ वर्षीया सृष्टिको मृत्यु भएको थियो ।
दुर्घटनापछि आक्रोशित स्थानीयले दुईवटा टिपर, जेसिबी र त्यहाँ सञ्चालित बालुवा वासिङ्गको टहरामा आगजनी गरेका छन् । करिब ७ सयभन्दा धेरै स्थानीय प्रदर्शनमा उत्रिएपछि काठमाडौंका एसएसपी सुदिप गिरी घटनास्थलमा पुगेका छन् ।
नुवाकोटको शिवपुरी गाउँपालिका–४ घर भएका ४३ वर्षीय राजेन्द्र नगरकोटीले चलाएको टिपरले बा. ५१ प ८७२२ नम्बरको रोहन तामाङले चलाएको मोटरसाइकललाई ठक्कर दिएको थियो । टिपरको ठक्करबाट मोटरसाइकलमा सवार रोहनका दुई छोरीको घटनास्थलमा नै मृत्यु भयो ।
