हुम्लामा बाढीले बगाउँदा एकजना बेपत्ता
भदौ,८ काठमाडौं । लगातार परेको वर्षासँगै आएको बाढीले हुम्लाको रिपखोलामा एकजना बेपत्ता भएका छन् । घर फर्किने वेला सर्केगाड गाउँपालिका -२ स्थित रिपगाड खोला तर्ने क्रममा बाढीमा परी ताजाकोट गाउँपालिका -४ गल्लावाडाका अन्दाजी ४५ वर्षीय नन्दऋषि जैसी बेपत्ता भएको प्रहरीले बताएको छ ।
बेपत्ता भएका जैसीको खोजीका लागि प्रहरी टोली परिचालित भएको जिल्ला प्रहरी कार्यालय हुम्लाले बताएको छ । आज बिहान साढे ७ बजे बाढीमा परेर जैसी बेपत्ता भएको उनका भाइ जयधर्म जैसीले खबर दिएको जिल्ला प्रहरी कार्यालय हुम्लाका डिएसपी भीमलाल भट्टराईले जानकारी दिनुभयो ।
