आज सार्वजनिक बिदा
साउन,२ काठमाडौं । कैलाली जिल्लाका ४ पालिकामा आज सार्वजनिक बिदा दिइएको छ। कमैया मुक्ति दिवसको अवसरमा ४ पालिकाले स्थानीय बिदा दिएका छन्। कैलालीको टीकापुर नगरपालिका, जानकी गाउँपालिका, भजनी नगरपालिका र जोशीपुर गाउँपालिकामा मंगलबार सार्वजनिक बिदा दिइएको हो।
पालिकासहित स्वास्थ्य संस्था, विद्यालयमा बिदा गरिएको पालिकाले सार्वजनिक गरेको सूचनामा उल्लेख छ। नेपालमा बँधुवा मजदुरका रूपमा काम गर्दै आएका कमैयालाई तत्कालीन सरकारले २०५७ साल साउन २ गते मुक्त भएको घोषणा गरेको थियो। कमैया बस्नेमा थारु समुदायका व्यक्ति थिए। मुक्त कमैयाहरू कैलालीसहित कञ्चनपुर, बर्दिया, बाँके, दाङ लगायतका जिल्लामा रहेका छन्।
