चर्चित अभिनेत्री सुलोचना लाटकरको निधन
जेठ,२२ काठमाडौं । नयाँ दिल्ली– ‘श्री ४२०’, ‘नागिन’ र ‘अब दिल्ली दूर नहीं’ जस्ता फिल्मकी चर्चित अभिनेत्री सुलोचना लाटकरको निधन भएको छ।
उनले ४ जुनमा मुम्बईको एक अस्पतालमा अन्तिम सास लिइन्। उनी ९४ वर्षकी थिइन्। लाटकरकी छोरी कञ्चनले आमाको निधन भएको केही समय अगाडि नै स्वास्थ्य खराब भएको बताएकी थिइन्।
उनले श्वासप्रश्वासमा समस्याका कारण अस्पताल भर्ना गरिएको बताइन्। सुलोचनालाई भेन्टिलेटरमा राखिएको थियो।
सुलोचना लाटकरले फिल्महरूमा अमिताभ बच्चन, दिलीप कुमार र धर्मेन्द्र जस्ता दिग्गज कलाकारहरूको आमाको भूमिका पनि निभाएकी थिइन्।
