भारतमा तीन सन्तानको हत्यापछि आमाले पनि गरिन् आत्महत्या
भारतको विहारस्थित गया जिल्लामा एक महिलाले आफ्ना तीन सन्तानलाई झुन्ड्याएर हत्या गरेपछि आत्महत्या गरेकी छन् ।
जिल्लाको मग्रा क्षेत्रकी मातली देवीले आफ्ना तीन जना बालबच्चाको झुन्ड्याएर हत्या गरेपछि आत्महत्या गरेकी प्रहरीले जनाएको छ । प्रहरीले सार्वजनिक गरेको प्रारम्भिक विवरणअनुसार पतिले सताएपछि उनले पहिले आफ्ना नानीलाई मारेर आत्महत्या गरेकी हुन् ।
छिमेकीहरूले पनि मालतीको आत्महत्याको कारण उनका श्रीमान् नै भएको बताएका छन् । घरायसी तनावका कारण मालती आत्महत्याको बाटो रोज्न विवश भएकी उनीहरूको भनाइ छ । मालतीका पतिलाई पक्राउ गरेर अनुन्धान थालिएको छ । रासस
