सिरहामा कुटपिट गरी हत्या गरेको आरोपमा एक जना पक्राउ
माघ २४ काठमाडौं । सिरहाको नवराजपुर गाउँपालिकाका एक जनालाई प्रहरीले हत्या आरोपमा पक्राउ गरेको छ। पक्राउ पर्नेमा वडा नम्बर ४ नहरनिया टोलका १९ वर्षीय राधेश्याम यादव रहेका छन्।
नवराजपुर गाउँपालिका-४ नयाँ नहरनिया टोल बस्ने ७० वर्षीय सुभकलाल यादवको कुटपिट गरी हत्या गरेको अभियोगमा राधेश्यामलाई पक्राउ गरिएको जिल्ला प्रहरी कार्यालय सिरहाले बताएको छ ।
सुभकलालको नाती र राधेश्याम यादवबीच भएको झै-झगडा छुट्याउने क्रममा राधेश्याम यादवले कुटपिट गर्दा गम्भीर घाइते भएका उनको प्रादेशिक अस्पताल लहानमा उपचारको क्रममा मृत्यु भएको हो।
