बढ्यो सुनको मूल्य
पुष,१२ काठमाडौं । नेपाली बजारमा आज छापावाल सुनको मूल्य बढेको छ। आज सुनको मूल्य दुई सयले बढेको हो।
हिजो प्रतितोला एक लाख पाँच सयमा कारोबार भएको सुनको मूल्य आज प्रतितोला एक लाख सात सय तोकिएको छ।
नेपाल सुनचाँदी व्यवसायी महासंघले सार्वजनिक गरेको विवरणअनुसार आज तेजाबी सुनको मूल्य प्रतितोला एक लाख दुई सय छ। सोमबार तेजाबी सुनको मूल्य एक लाख थियो।
त्यस्तै चाँदीको मूल्य अघिल्लो कारोबार मूल्यका तुलनामा स्थिर रही प्रतितोला एक हजार तीन सय ९० कायम रहेको महासंघले बताएको छ ।
